إسلام أون لاين.نت

استشارات:

بيانات الحوار
STP فريق	اسم الضيف
stpمهارات من أجل التنمية ..خبرة شباب	موضوع الحوار
2008/7/26 السبت	اليوم والتاريخ
مكة من... 14:30...إلى... 16:30 غرينتش من... 11:30...إلى...13:30	الوقت


محررة الحوار: صفاء صلاح الدين -	الاسم
	الوظيفة
الإخوة والإخوات.. لقد بدأ الحوار، وستتوالى الإجابات تباعاً إن شاء الله. وننبه الإخوة والأخوات الزوار إلى أن إدخال الأسئلة للضيف يتم من خلال العلامة الوامضة "إدخال الأسئلة" في أعلى الصفحة أثناء التوقـــيت المحـــدد للحوار فقط. وبعد انتهاء الحوار، يمكنكم الضغط (هنـا) وموافاتنا بالاقتراحات أو التحفظات.	الإجابة


منى -	الاسم
	الوظيفة
السلام عليكم أنا سعيدة جدا بيكم ولما قرأت التعريف بتاعكم حسيت انكم بتعملوا حاجة جميلة بس عايزه اعرف طبيعة نشاطاتكم وياترى ده مش بيأثر علي دراستكم ؟ شكرا جزيلا	السؤال
STP هو نشاط طلابي من كلية الهندسة جامعة القاهرة و الهدف من النشاط هو تقليل الفجوة بين الحياه الدراسية و الحياه العملية عن طريق ورش عمل في مجالات مختلفة مثل التسويق وادارة الأعمال و تنمية الموارد البشرية. كل واحد عنده وقت فراغ غير مستغل و يجب علينا نحن كشباب الاستفادة من هذا الوقت الضائع.	الإجابة


أحمد -	الاسم
	الوظيفة
انا لسه مخلص ثانوية عامة وان شاء الله هدخل هندسة ازاى اعرف اتواصل معاكوا في الكلية ؟ بس كمان عايز اعرف شويه العمل التطوعي ممكن يقدمي لي ايه انا لسه مش عارف اى حاجة عن مجتمع الجامعة شكرا	السؤال
نشاط STP يبدأ مع بداية العام الدراسي في كلية الهندسة جامعة القاهرة حيث المقر الرسمي للنشاط و يمكنك معرفة معلومات أكتر عن طريق الموقع الرسمي www.stp-egypt.com أما عن العمل التطوعي فهو يوفر لك فرصة الاحتكاك بعالم الحياة العملية مما يُُكسبك خبرات ومهارات تفيدك في العمل بعد التخرج.	الإجابة


aa -	الاسم
	الوظيفة
بتقولوا انكم هتنموا المهارات عشان سوق العمل بعد كده انا شايف ان الشغل دلوقتى بقى بالواسطة يعنى مثلا انا عندى 24 سنة متخرج من تجارة بتقدير جيد جيدا بتشتغل في مطعم مش عارف الاقى اى شغل يااما عايز واسطة او عايزين خبرة على ا لاقل خمس سنين انا ممكن اعمل ايه	السؤال
الكثير منا يردد الجملة الشهيرة "هو حد لاقي شغل؟!" ولكن في الحقيقة الشغل هو اللي مش لاقي ناس لديهم ما يكفي من المهارات و الخبرات التي تؤهلهم لسوق العمل. و من الأخر كدة الواسطة حتشغلك شهر أو شهرين بالكتير وعمرك ما هتستمر في عملك بالواسطة اذا لم تقم باثبات كفاءتك علي مليء هذا المكان.	الإجابة


أيمن -	الاسم
	الوظيفة
السلام عليكم انا فرحان عشان انتوا كده بتثبتوا ان الشباب مش تافه وانه ممكن يعمل حاجات مفيدة انا فى تجارة عين شمس نفسى اعمل نشاط زى ده في الكلية بس عايز اعرف اجيب التمويل منين يعنى هل انتوا تبع اتحاد الطلبة والا متستقلين وازاى بتحصلوا على التمويل ؟؟	السؤال
احنا نشاط تحت رعاية كلية الهندسة و يتم تمويل النشاط عن طريق الشركات الراعية و يتم ذلك بموافقة ادارة الكلية	الإجابة


ريتاج من سوريا -	الاسم
	الوظيفة
هل فكرتم من قبل أن تشتركوا مع جامعات عربية في الوطن العربي لتعم الفائدة ولتبادل الخبرات سأسعد جدا إن فعلتم هذا وفقكم الله	السؤال
نعم بالفعل فكرنا في ذلك جديا و لكننا نريد ان نبني جيل من الشباب القادر على تحقيق ذلك و لكن تلك المرحلة يجب ان تعطى من الوقت القدر الكافي للوصول لتلك الأهداف.	الإجابة


ايات -	الاسم
	الوظيفة
هل نشاطتكم مقتصر على كليه الهندسه والجامعه ولا بتحاولو تخرجو الى خارج الجامعه وايه الاماكن اللى اشتغلتو فيها ؟	السؤال
من أربع سنوات و مع بداية النشاط كان بالفعل مقتصر على كلية الهندسة أما دلوقتي احنا وسعنا النشاط حيث اصبحنا متواجدين في أكثر من جامعة مصرية و ليس ذلك فحسب بل امتد النشاط ليشمل بعض مدارس الثانوية العامة. أما بنسبة لموضوع الشغل فمنا من التحق بالعمل قبل التخرج و منا من يعمل حاليا بعد التخرج في شركات كبرى بل و عالمية مثل فودافون و أوراسكوم.	الإجابة


ساندي -	الاسم
	الوظيفة
مكتوب فى التعريف بتاعكم أنكم كمان توجهتوا لطلاب المدراس .. كلمونا شويه عن التجربة دى وازاى قدرتوا تعملوها	السؤال
بعد فترة من توسعنا في الوسط الجامعي وجدنا انه كان من الأفضل نبدا في مرحلة عمرية مبكرة فقررنا الذهاب الى طلاب المدارس لتعليمهم كيفية صنع الأهداف و خلق الفرص و كيفية الوصول إليها و تحقيقها و ذلك بأن يكونوا أكثر دراية بمهاراتهم الداخلية.	الإجابة


منيرة -	الاسم
	الوظيفة
بجد النشاط اللى بتقوموا بيه مهم جدا وماشاء الله عليكوا بس اكيد عشان تكملوا طريقكم كان في شويه صعوبات ازاى اتغلبتم عليها ؟؟	السؤال
في حديث عن النبي علبه الصلاة والسلام فيما معناه "المؤمن الذي يخالط الناس ويصير علي أذاهم خيرٌ من المؤمن الذي لا يخالط الناس و لا يؤذونه"	الإجابة


ماجد -	الاسم
	الوظيفة
الكورسات اللى بتعملوها بتاعة التنمية البشرية فين اماكنها وازاى اقدر اشترك فيها ؟؟ انا محتاج فعلا الكورسات دي	السؤال
نحن نقدم ورش عمل و ليس كورسات بالمعني المتعارف عليه وانما يتم تزويد المواد العلمية بمشاريع يتم فيها تطبيق تلك المواد. و للاشتراك يمكنك أن تذهب الي كلية الهندسة جامعة القاهرة مع بداية العام الدراسي و يمكنك أيضا متابعة الموقع الرسمي www.stp-egypt.com .	الإجابة


مسلمة -	الاسم
	الوظيفة
كيف يمكن أن أحصل على عضوية جمعيتكم .. هل هناك شروط معينة للأعضاء ؟	السؤال
يمكنك متابعة الموقع الرسمي www.stp-egypt.com حيث يمكنك الاشتراك في المرحلة القادمة في نصف أغسطس ان شاء الله.	الإجابة


محمود -	الاسم
	الوظيفة
الحقيقة انا مش في كلية هندسة بس هل من الممكن أن اتواصل معكم ولا الاعضاء عندكوا لازم يكونوا من هندس وازى انا كمان اقدر استفيد من نشاطاتكم ربنا معاكم	السؤال
ليس شرطا أن تكون من كلية الهندسة حتي تشترك ب STP حيث كما ذكرنا من قبل أننا نتعامل مع الكثير من الجامعات المصرية.	الإجابة


أم -	الاسم
	الوظيفة
أنا ابنى في الفرقة التانية من كلية تجارة بحاول اقنعة يعمل اى نشاط بجانب الدراسة بس هو شايف انه مالوش لازمة وهيضيع وقته ازاى اقدر اقنعه ربنا يوفقكم يارب	السؤال
الكثير من الشركات الأن يفضلون أختيار العاملين على أساس المهارات الشخصية التي اكتسبوها خلال فترة الدراسة وهذه المهارات التي تميز شخص عن الأخر والعمل التطوعي هو فرصة جيدة لاكتساب الكثير من المهارات والاعتماد علي النفس وهو غير مكلف ماديا بالمرة علي عكس بعض الشباب الذين يعتمدون علي اكتساب تلك المهارات من خلال الكورسات المكلفة بعد الدراسة.	الإجابة


وردة -	الاسم
لا اعمل	الوظيفة
جزاكم الله خير اذا وجدت عندي ميول ولم استطع تنميتها لعدم توفر امكانات مادية في الوقت الحالي لكن بعد سنوات حددتها سيكون عندي مااريد فهل انشغل بشيء آخر الى ان يأتي ذلك الحين أم أحاول تنمية مهاراتي مثل الالقاء -الحوار-استيعاب الآخر وفهمه .....الخ ارجو منكم الرد وارشادي الى كيفية اكتشاف مهاراتي	السؤال
اكتشاف المهارات ياتى تدريجيا بعد أن يخوض الانسان الكثير من التجارب في الكثير من المجالات و لكن ذلك يحتاج الى الصبر و الجهد.	الإجابة


بدور -	الاسم
	الوظيفة
هل يمكن للمشترك معم ان يحدد الوقت المتاح له اى عدد الساعات اليومية على قدر استطاعته أم انتم الذين تحددون ذلك ؟؟	السؤال
احنا البرنامج بتعنا بيكون مناسب للكثير من الناس و هو كل يوم سبت على مدار العام الدراسي و يكون على سبع مرات.	الإجابة