كلمات الأغنية

التعريف بالمغني

• حول مصير المجتمعات بين القط
   وبين الفار

سو سو سو سو سو سو نو

قط يصوصو صوصو صو

فار يتنططط وينونو

أما حكاية تجنن أو

أو يتعلم منها الشطار

أدي الشجرة وادي الدار

وادي الجار كده جنب الجار

كل يومين في شقار ونقار

فار كده طيب ومقطقط

قط ولابس لبس الفار

وبيتمسكن وبيترجى

قرب يلا وشوف الفرجة.. حط البؤجة وأصبح جار

بيني وبينكم موش أسرار.. بقى فيه بينهم دم وتار

اصحى يا فار يلا يا فار

الحق ضلك ألا يقلك شجرة جدي حتى اسأل عنها السمسار

عافية وقوة عرض كتافك انت وهو

أملكنا بحرين وكتار

عمل العملة وقلنا يتوب

بعد شوية قال يا جنوب

وف تعسيلة خطفها وطار

اصحى يا فار يلا يا فار

قام الفار أعلنها معاهدة

زي ولية قنوعة وزاهدة

قام القط بكل بساطة

حط العقدة في المنشار

قال مايصحش تساويني بفار

أنا خربش هو يطنش

يسمعني يعمل أطرش

أنا أبني وهو يدشدش

ماهي دنيا درجات درجات

هتسوي الأولاد ببنات

اصحى يا فار يلا يا فار

قام الفار زعابيب أمشير

نار بتحوط ع الدنانير

فتح الشنطة وحط كتير

اتنحنح واتلحلح قال

ارموا حمولكم على الستار

سكة طويلة وادي الحطة

واللي هيلحق ياخد شنطة

واللي يفكر يبقى حمار 

على إسماعيل ملحن ومطرب له العديد من الأعمال:

- ألحان أغاني فيلم العاصفة الحان أغاني مسلسل رجل طموح.

- ألحان أغاني مسلسل ألوان للمخرج محسن محيي الدين.

- ألحان أغاني مسرحية مسحراتي العرب.

- كما شارك في العديد من الحفلات في بيروت وتونس والعراق.

- كلمات محمد البرعي .. شاعر ومدير برامج تلفزيونية ومحرر صحفي.

- ألحان وغناء علي إسماعيل.